LGU padagos na nagtatao nin ayuda sa mga nangangaipo

NAGPAPADAGOS an pagtatao nin asistensyang pinansyal kan Local na Gobierno kan Juban sa paagi kan Expanded Assistance to Individuals in Crisis Situation (EAICS) program kan DSWD.

Dahilan san buong puso na pagserbi nan pagpupursige ni Mayor Antonio "Cama" Alindogan na maghagad dagdag na ayuda hale sa DSWD, naaprobaran an 3.8 Million Pesos na pondo tanganing ikatabang sa lado medical, educational, burial asin transportasyon na pangangaipo san mga Jubangnon.

Mga rekisitos para sa mga nangangaipo san asistensya:

Sa lado Medical Assistance: Medical Certificate o Medical Abstract, Reseta, Certificate of Indigency asin Valid ID

Sa lado Educational Assistance: Certification hale sa School Registrar, Assessment Form or White Form, Certificate of Indigency asin Valid ID

Sa lado Burial Assistance: Funeral Contract, Certificate of Indigency asin Valid ID

Sa lado kan transportation assistance, kinakaipuhan na may emergency o igua sin imedyetamyente na rason san paglarga pakadto sa sarong lugar.

Kun an maproseso po san assistance an mama, papa, manghod, tiyo, tiya, batit, asawa o siisay man na kapamilya san nangangaipo, paki indicar tabi an ngaran nindo sa Certificate of Indigency.

Para sa mga kahapotan o karagdagang detalye, makihumapot sa MSWD Office o kaya sa Office of the Mayor.